Milu Thai มิลู่ไทย (百樂中心)

Open Now

Now Closed

今日約咗朋友嚟到銅鑼灣呢間泰國餐廳食晚餐 建網上評論，好多人都推薦個火山排骨現場睇其他客人嗌真係超大碟🫨🫨但係由於得我同朋友兩個人，所以就冇叫到個排骨。下次多啲人嚟一定要試吓🔸柚子鮮蝦沙律呢個沙律真係好清新，蝦肉新鮮彈牙。佢哋用咗新鮮嘅柚子肉，仲要份量超級多，基本上成碗都係柚子肉😆加上少少秘製醬汁同埋蒜香味，十分開胃！🔸炭燒豬頸肉外皮燒得香脆，肉質又嫩滑，再配上秘製醬汁，味道夠濃郁👍 真係好值得推薦🔸鹽燒鰂魚呢道鹽燒鰂魚簡單又好味味。簡單在於冇過分嘅調味，純粹靠烤焗嘅方法令到魚肉保留咗嫩滑嘅肉質。魚身烤得剛剛好，肉質鮮嫩，魚皮又脆。鹽味適中，唔會蓋過魚嘅本味。搭配泰式酸辣汁，真係越食越惹味。🔸馬拉盞椰菜苗馬拉盞醬嘅香氣十足，啲椰菜苗煮得啱啱好，保留咗啲脆口感。醬汁有啲微辣，令整道菜更加有層次感🔸泰式蛋包炒金邊粉呢個泰式蛋包炒金邊粉好吸引，蛋包包住啲炒金邊粉，香氣四溢。而且面頭有三隻大嘅炸蝦，而且炸得非常香口🤤🤤🔸芒果糯米飯最後係甜品，呢個芒果糯米飯真係好大碟😱！芒果熟透，甜得剛剛好，糯米飯又軟綿，配合椰漿，味道超正！