Video
Read full review
2022-05-04
400 views
好多人推薦呢間Mothers of pizza，真係超人氣，pizza 即叫即焗，薄餅麵團自己手工製作，而且Pizza可以叫雙拼口味，唔使淨係食一個味咁單調。🍴summer of love 1967 (雙拼口味) 13吋$238 (8.5/10)13吋嘅Pizza有六塊，份量好足好多料！有水牛芝士，蕃茄，谷巴火腿，意大利肉腸，新鮮菠蘿，辣椒蜜糖。Pizza有厚度，唔會好似紙咁薄但亦都唔會太厚，好似淨係食緊餅皮，比較煙靭，外脆內軟！因為用火爐焗所以有啲位都燶咗少少，可以搣走窿嘅位因為好苦🤣非常鹹香，火腿冇咁鹹，意大利肉腸鹹好多，真心偏鹹咗少少🤏🏻加埋芝士蕃茄真係好惹味，菠蘿喺後期放上去冇焗過嘅，非常之酸甜，成個Pizza感覺因為有菠蘿而冇咁油膩，整體來講都幾好食！兩個人食一個pizza已經好飽🤣🍴超級撒亞人肉腸 (雙拼口味) 13吋$238 (7.5/10)呢個相對上冇咁多料🤣有水牛芝士，蕃茄，羅勒香草，美式肉腸，牛奶芝士，香蒜，呢個Pizza冇咁好食，餡料上面冇咁豐富，味道都比較淡少少，可能係美式肉腸唔夠香，羅勒香草嘅味道比較淡啲，整體來講係味道上清淡啲！唔會建議大家叫呢一個嚟食，因
🍴summer of love 1967 (雙拼口味) 13吋$238 (8.5/10)
13吋嘅Pizza有六塊，份量好足好多料！
有水牛芝士，蕃茄，谷巴火腿，意大利肉腸，新鮮菠蘿，辣椒蜜糖。Pizza有厚度，唔會好似紙咁薄但亦都唔會太厚，好似淨係食緊餅皮，比較煙靭，外脆內軟！因為用火爐焗所以有啲位都燶咗少少，可以搣走窿嘅位因為好苦🤣
非常鹹香，火腿冇咁鹹，意大利肉腸鹹好多，真心偏鹹咗少少🤏🏻加埋芝士蕃茄真係好惹味，菠蘿喺後期放上去冇焗過嘅，非常之酸甜，成個Pizza感覺因為有菠蘿而冇咁油膩，整體來講都幾好食！兩個人食一個pizza已經好飽🤣
🍴超級撒亞人肉腸 (雙拼口味) 13吋$238 (7.5/10)
呢個相對上冇咁多料🤣有水牛芝士，蕃茄，羅勒香草，美式肉腸，牛奶芝士，香蒜，呢個Pizza冇咁好食，餡料上面冇咁豐富，味道都比較淡少少，可能係美式肉腸唔夠香，羅勒香草嘅味道比較淡啲，整體來講係味道上清淡啲！唔會建議大家叫呢一個嚟食，因為冇菠蘿嗰個咁驚喜！
🍴意大利白酒肉丸意粉 $168 (8/10)
肉丸有成八九粒，上面有層芝士，撈勻咗之後好好香，意粉硬度適中口感比較粗，好掛汁，有白酒嘅香亦都有忌廉嘅濃，相對上係比較Ceamy啲同埋奶味重少少，肉丸都係比較鹹，質感比較鬆散少少，唔知係自己整定本身個質感係咁，係一粒鹹鹹地嘅香草肉丸🤣但整體來講嗰啲粉都幾好食，意式風味！
推薦指數: 8.5/10
雖然有菠蘿就唔係意大利傳統嘅口味，意大利人見到會激死🫢但呢度嘅Pizza同係意大利食嘅餅底係類似，焗法都好相似，味道上都比較接近，Pizza同意粉都算幾好食幾高質，雖然有少少貴但個份量真係好足，兩個人食一個13吋嘅Pizza真係都飽，加埋個意粉係好飽好飽🤣不過見到好多人都係嗌一個Pizza一個意粉，推薦大家放心去食啦~
Post
