德興酒家 (Closed)

同老友去唱完歌,九點幾,佢推介去「德興」,點知佢地有「任食火鍋」,$58一位,不過仲有其他雜費,約$88蚊位差不多!叫左日式蟹鍋,紅卜卜,跟手部長成盤「醬料」任你添,有冬蔭公醬,生garlic,紅椒絲,生蔥等十幾樣,仲可以番添喎!幾正!叫左羊肉,魚蛋,魚片,鵝腸(其實係鴨粉腸),豬蹄筋,豬腩肉,白鱔,鮮菇,竹笙,翅裙,西洋菜,烏冬,公仔麵等,仲有叉燒包同水晶包?無錯,其實個樣好似d點心咁,好small,要淥先食得!幾過癮!加四支$18@喜力!味道唔錯,火鍋款色又多!!!!尤其係電磁爐上放張「卡紙」,幾鬼有趣!收咁樣價錢,我覺得好收貨!趁佢未「走樣」,點都去多次!