加東 (Closed)

去過新加坡食喇沙，返嚟香港一直搵唔番嗰種味道，有啲人話因為香港冇用螄蚶，所以冇咗鮮味。呢間有米之蓮推介，又有螄蚶，即管試試。（$78）由於唔係好慣相機食先，食咗一半先記得影相。整體來講，喺香港嘅喇沙算係唔錯，但始終搵唔番嗰種鮮味。可能我都係要放棄喺香港食喇沙。（$88）肉骨茶，略嫌藥材味唔夠濃，但唔差。整體來講，唔算係好有驚喜嘅新加坡菜，但以喺銅鑼灣地段來講，坐得舒服，食物OK，可以話係一個唔錯選擇，我之後都有再上去食午餐。