The Chippy (耀華街) (Closed)

喺銅鑼灣嗰度開咗一間新開嘅英國餐廳，有傳統嘅英式炸魚薯條再配上咖喱醬，青豆醬同牛肉醬，而且店舖裝修得好英式好似返咗去英國咁！😝而且店主都好熱情，由於我哋都唔想飲酒，所以店主就介紹咗四款唔同口味嘅汽水，味道都唔錯，好fresh!炸魚分量超長，下面充滿好多粗薯條，兩個人食到好飽，而且脆醬好薄身，而d魚就好厚身，啖啖肉！同平時食開嗰啲好唔同🤗再配上唔同嘅醬汁，小編就鍾意食咖喱汁，同埋牛肉汁，另外仲用啲醋去點魚，感覺都唔錯！食唔停口🤣另外，仲叫咗炸熱狗腸，熱狗腸係豬肉腸，所有認識嘅味道，雖然兩款都係炸，不過唔會好油膩嘅感覺😗