酒津

Open Now

Now Closed

今日放工去食咗間個名好有趣嘅日本料理，叫酒津，環境有鬼太郎特色，幾有日本feel。我哋叫咗油甘魚刺身，厚切勁有咬，味道清新、油脂重；帶子刺身就因為挨住青檸片放，有檸香，好refreshing，加上帶子本身都好新鮮，有海水香。牛脷$48一串，聞落去好香，食落彈牙有咬口，而且油香豐富，肉質鮮美，值得一試。銀魚西京燒入口滑溜，味道香濃，醬汁帶有微微甜味，令人回味。冷烏冬配上濃郁嘅海膽同新鮮嘅松葉蟹，加上大大隻嘅蝦肉，口感豐富，海膽味突出、蟹肉新鮮而且足料，起碼唔會得啲碎肉、蝦肉刺身意外地好夾個烏冬，另外都幾欣賞佢嘅煙燻，係令到成件事得到一個昇華。黑松露炸雞係唔錯嘅佐酒小食，黑松露味唔會搶到風頭，但炸得香脆，而且雞件大件，非常滿足。