財記辣蟹私房菜

Open Now

Now Closed

「財記辣蟹私房菜」位於銅鑼灣駱克道，地下入口有𨋢可上到二、三樓餐廳。二樓餐廳設有電視。而三樓主要設有廂房，適合朋友、家庭及商務聚餐。本身約咗舊同事銅鑼灣收工食飯，突然落起雨，於是就隨意選了附近這間餐廳。除了主打各款蟹菜式，亦供應不少時令海鮮。此外，亦有炒粉麵飯及很多款巧手小菜。《 椒鹽鮮魷 》（$100） 魷魚鮮嫩肉厚，炸至金黃，香脆惹味，加上適量椒鹽，配埋啤酒一流。《 馬拉盞通菜 》（$82）馬拉盞好香，仲有好多鮮味蝦乾，通菜青嫩好好味。《 豉椒炒蜆 》（$98）蜆肉超級肥美，豉椒汁夠香濃不油膩，炒得好出色。《 葱油雞 》（$138/半隻）爆蔥鋪滿雞面，雞肉有雞味，皮薄肉嫰滑，味道夠鹽香，送飯一流。《 福建炒飯 》（$88）足料雞肉、冬菇、元貝鮮蝦肉粒、菜芯、红蘿白等，配上炒飯底，飯粒粒分明，煙靭有咬口。《蒜蓉粉絲蒸聖子皇》（時價）聖子皇內厚嫰滑，十分肥美，鮮甜好味，加上蒜𦴦粉絲蒸，食到舔舔脷。各款小菜及炒飯，都十分出色，而且價錢一啲都唔貴，坦白說今次很有驚喜，值得推薦大家一試。