浪．居酒屋 (Closed)

銅鑼灣登龍街少有咁大間嘅居酒屋，有好多卡位，仲有啲望街景嘅位，餐牌有就好多選擇，有刺身飯，涮涮鍋等今次中午嚟食佐鹿兒島和牛鍋超級飽 ，有好多嘢食。（三宮格、小食、湯、刺身、雜菜、牛肉、烏冬)小食三宮格，影相又幾靚喎！薄切三文魚刺身配黑松露醬油，我鍾意黑松露味，所以我就覺得好好食。拖羅蓉牛油果脆脆，牛油果加拖羅蓉，perfect match，我鍾意，又健康又好味。涮涮鍋入面菇，豆腐菜、烏冬！再加入和牛(淥一淥）就即刻可以食，果然係和牛，入口即溶，正！好飽呀！石鍋和牛蛋黃丼小心石鍋邊呀，好熱嫁，煎香的和牛，味道特別好味，加埋啲溫泉蛋，撈埋飯一齊食，頂呱呱。如果鍾意食飯焦嘅朋友，可以留返個飯底唔好撈住，留返最尾先食咁就有飯焦啦。