Video
Read full review
2023-07-13
67 views
餐廳位於銅鑼灣謝斐道506-508號聯成商業中心1501-1502室餐廳位置方便，好彩餐廳距離銅鑼灣地鐵站好近，我哋今日係大概下午茶時段去，順便同朋友玩下貓傾吓偈！餐廳座位非常寬敞都幾好坐，貓仔行嚟行去非常得意，有啲直頭瞓咗係張枱度，大家都忍唔住攞個電話出嚟打卡，絕對係一個心曠神怡relax嘅好地方，非常適合朋友聚會。侍應姐姐亦都非常有禮貌地介紹佢哋嘅餐牌。🤍waffle and gelato，我哋就叫咗兩個甜品大家share！就叫做一個熱辣辣嘅窩夫，再加兩球雪糕！雪糕方便我哋就揀咗一球雲呢拿同埋一球朱古力味！窩夫即叫即做，賣相都非常靚仔，雪糕同埋窩夫嘅味道配合得唔錯！亦都食得出佢嘅雪糕唔係啲cheap既貨源，下午茶做甜品，簡直係一流！鍾意食雪糕同埋窩夫嘅朋友唔可以錯過！最後返到屋企先發現因為怕個雪糕溶，所以唔記得影相🙈🙈🙈🤍開心果朱古力蛋糕，今次係我第一次試呢一個配搭嘅蛋糕，個價錢嚟講非常對得住呢一個份量，絕對唔係細細件，蛋糕上面再加埋花生碎，令到口感嘅層次增加，呢一個配搭亦都比我想像中冇咁甜，食得出開心果嘅香味，對我哋兩個嚟講都非常有驚喜，值得推介！三個人都差啲食唔晒兩個甜品！🤍龍
餐廳位置方便，好彩餐廳距離銅鑼灣地鐵站好近，我哋今日係大概下午茶時段去，順便同朋友玩下貓傾吓偈！餐廳座位非常寬敞都幾好坐，貓仔行嚟行去非常得意，有啲直頭瞓咗係張枱度，大家都忍唔住攞個電話出嚟打卡，絕對係一個心曠神怡relax嘅好地方，非常適合朋友聚會。侍應姐姐亦都非常有禮貌地介紹佢哋嘅餐牌。
🤍waffle and gelato，我哋就叫咗兩個甜品大家share！就叫做一個熱辣辣嘅窩夫，再加兩球雪糕！雪糕方便我哋就揀咗一球雲呢拿同埋一球朱古力味！窩夫即叫即做，賣相都非常靚仔，雪糕同埋窩夫嘅味道配合得唔錯！亦都食得出佢嘅雪糕唔係啲cheap既貨源，下午茶做甜品，簡直係一流！鍾意食雪糕同埋窩夫嘅朋友唔可以錯過！最後返到屋企先發現因為怕個雪糕溶，所以唔記得影相🙈🙈🙈
🤍開心果朱古力蛋糕，今次係我第一次試呢一個配搭嘅蛋糕，個價錢嚟講非常對得住呢一個份量，絕對唔係細細件，蛋糕上面再加埋花生碎，令到口感嘅層次增加，呢一個配搭亦都比我想像中冇咁甜，食得出開心果嘅香味，對我哋兩個嚟講都非常有驚喜，值得推介！三個人都差啲食唔晒兩個甜品！
🤍龍眼茶，我哋另外每人叫咗一支嘢飲，龍眼茶都非常好飲，夏天非常消暑解渴，同埋佢唔會落得太多冰，份量非常足料，朋友都幾鍾意佢呢杯嘢飲！
🤍Noah’s pure apple pear coconut water honeydew melon aleo lime juice, 呢一支果汁嘅口感非常特別，佢係有蘋果雪梨椰子水蜜瓜蘆薈同埋青檸，口感飲落去非常豐富，而且非常健康佢係冇加任何糖同埋人造色素！口感特別，大家可以一試！
🤍Noah’s pure apple juice, 幾，蘋果汁亦都唔會太甜，同上一次一樣都係冇糖分同埋人造色素，飲落去亦都好fresh! 味道絕對唔會係假嘅蘋果汁！非常好飲！
見到有其他人叫all day breakfast, 可惜今次太飽冇叫到，all day breakfast賣相都非常吸引！下次再嚟同🐱🐱玩嘅時候一定要試吓！
Post
