Siam Noodle Co.

Open Now

Now Closed

今日約咗個客喺銅鑼灣利園二期開會，開完會都差唔多食晏時間，落咗去地庫間泰國餐廳食晏。佢呢度有set lunch，有幾款可以俾你揀。頭盤我揀咗木瓜沙律，串串辣辣，啱晒我口味。主菜叫做碗船麵，好大碗，有豬肉、豬肉丸同埋炸豬皮。碗麵一嚟到即刻夾起啲炸豬皮，費事浸腍晒，所以食落嗰陣時都仲係脆卜卜。至於個湯底就好濃味，我自己在加咗啲辣椒粉同埋醋汁，即刻好有泰國feel。最後嚟多杯凍咖啡，咁就真係very good啦！呢度地方唔係好大，所以要嚟食晏嘅朋友，記得早少少book枱。