小魚兒 (寶漢大廈) (Closed)

小魚兒今次推介喺銅鑼灣寶漢大廈1樓有一間川菜餐廳叫「小魚兒」，呢間餐廳雖然大廈有升降機，但升降機前面由一級，輪椅人士要自備斜板先可以搭升降機，餐廳入面裝修主要以紅色為主，呢度都算幾寬闊，輪椅入到去唔洗就住就住泊車，餐廳食物款式比較多，例如有烤魚、雞煲、酸菜魚、串燒等，總有一樣啱你口味！1.老壇酸菜魚鍋（小辣小麻）$278（9.5/10）呢個老壇酸菜魚鍋叫咗小辣小麻，食起上嚟味道啱啱好，酸菜魚個魚係用鱸魚，魚片好滑無骨，我估計大約有50片魚片，其他配料仲有芽菜、芫茜、好煙韌嘅麥粉等，份量非常之多！2.避風塘澳洲龍蝦$198（10/10）呢個避風塘澳洲龍蝦好惹味，龍蝦連埋殼一齊炸，令到龍蝦殼好酥脆，我都連埋殼一齊食，龍蝦肉質鮮甜，份量亦好多，估計有3隻澳洲龍蝦！3.飲品放題$28*2（10/10）如果唔叫飲品放題嘅話，散叫每盒或每半飲品要$18，一樽冷泡茶要$38，所以我叫咗飲品放題，每位都係$28，唔叫飲品放題正傻仔！2人總共價錢$585，有加一服務費！個人口味總評分：9.83/10 @little.fish.hk 地址：銅鑼灣波斯富街24-30號寶漢大廈1樓Please follow