龍門冰室 (Closed)

同朋友喺銅鑼灣行完街之後，喺附近搵咗間茶餐廳，打算平平哋食個晚餐。餐廳嘅選擇好多，有中式、西式、日式、韓式，體現左香港茶餐廳嘅百搭精神，咩都有啲😂。同朋友兩個人叫咗兩個餐同一個小食，蔥油雞扒撈丁配餐飲（$50）、牛油帶子意粉配餐湯、沙律、餐飲（$80）加蜜糖雞翼（$45）。蔥油雞扒撈丁，雞扒大大塊，煎香之後上面配有蔥油，所謂嘅蔥油其實就係食燒味配嘅薑蔥蓉，夠晒香口，仲配埋甜豉油，夠晒重口味，加強大家味蕾上嘅刺激。整體配搭邪惡之餘都幾好味，而且以晚餐來講，價錢唔貴，都算值得一試。至於牛油帶子意粉，落足牛油去煮個意粉，牛油味香濃，令到個意粉非常好食，唯一可惜左少少嘅係，帶子過煎而帶點燒焦味，影響咗整體味道，不過我諗改善咗呢一點都相當唔錯。而蜜糖雞翼，表面煎到好香口，配埋蜜糖無得輸！