Video
Read full review
2017-07-31
290 views
今日同朋友行街 經過二千年廣場就隨心望下 水牌 原來呢幢大廈有餐廳 就懷着好奇心試下 估唔到喺銅鑼灣都可以搵到抵食嘅西式午餐.一開電梯門 見到間餐廳燈光昏暗 裝修似酒吧幾有情調 仲以為啲食物會好貴 點知原來午市套餐定價由60尾至100頭 有沙律主菜湯同埋餐飲 比起單叫抵 我哋兩個就諗都唔諗行咗入去.首先嚟嘅係凱撒沙律 羅馬生菜好新鮮好fresh 加埋啲芝士碎&芝士片 仲有煎過嘅煙肉粒 真係幾開胃架 無太多dressing唔heavy.是日主廚湯係蘑菇忌廉湯 湯本身唔係話好特別 係正常水準嘅忌廉湯 不過用湯匙攪一攪就好有驚喜 真係好多蘑菇片蘑菇多過湯 真材實料 雖然細細碗 但係飲落淡淡蘑菇好有口感好飽肚.主菜方面 我哋叫咗佛羅倫斯慢燉牛小排同埋拿披里辣味狂水煮鱸魚 呢兩個都係比較貴嘅選擇 但係性價比依然高牛小排肉質鮮嫩嫩 醬汁好濃 應該係芝士蕃茄汁 味道完全滲透牛肉 骨同肉好容易分離 食落好軟熟 下面有D連皮嘅小薯仔 仲有沙律果種羅馬生菜係面 連牛肉食好正 滋味滿瀉煮鱸魚 鱸魚肉質富彈性 香料多樣化例如橄欖洋蔥蒜頭辣椒同埋羅勒葉帶鮮味 仲令到條魚腥味唔重 雖然叫做辣味抗水煮魚 帶一啲都唔
.
一開電梯門 見到間餐廳燈光昏暗 裝修似酒吧幾有情調 仲以為啲食物會好貴 點知原來午市套餐定價由60尾至100頭 有沙律主菜湯同埋餐飲 比起單叫抵 我哋兩個就諗都唔諗行咗入去
.
首先嚟嘅係凱撒沙律 羅馬生菜好新鮮好fresh 加埋啲芝士碎&芝士片 仲有煎過嘅煙肉粒 真係幾開胃架 無太多dressing唔heavy
凱撒沙律
16 views
0 likes
0 comments
.
是日主廚湯係蘑菇忌廉湯 湯本身唔係話好特別 係正常水準嘅忌廉湯 不過用湯匙攪一攪就好有驚喜 真係好多蘑菇片蘑菇多過湯 真材實料 雖然細細碗 但係飲落淡淡蘑菇好有口感好飽肚
蘑菇忌廉湯
11 views
0 likes
0 comments
.
主菜方面 我哋叫咗佛羅倫斯慢燉牛小排同埋拿披里辣味狂水煮鱸魚 呢兩個都係比較貴嘅選擇 但係性價比依然高
牛小排肉質鮮嫩嫩 醬汁好濃 應該係芝士蕃茄汁 味道完全滲透牛肉 骨同肉好容易分離 食落好軟熟 下面有D連皮嘅小薯仔 仲有沙律果種羅馬生菜係面 連牛肉食好正 滋味滿瀉
佛羅倫斯慢燉牛小排
$98
27 views
0 likes
0 comments
煮鱸魚
鱸魚肉質富彈性 香料多樣化例如橄欖洋蔥蒜頭辣椒同埋羅勒葉帶鮮味 仲令到條魚腥味唔重 雖然叫做辣味抗水煮魚 帶一啲都唔辣 味道好清 有啲似中式魚 細骨唔太多尤其背脊位啖啖肉 兩隻伴碟嘅青口令我覺得更加滿足 原來軟熟嘅麵包配魚類都幾搭配個喎
拿坡里辣味狂水煮鱸魚
$108
28 views
0 likes
0 comments
Post
