Video
Read full review
2017-04-05
69 views
係銅鑼灣行街行到攰，想搵地方Hea又唔想再去行更遠，喺時代廣場周圍望見到對面大廈有間類似cafe嘅餐廳，諗都無諗就上左去。餐廳地方雖然唔大，但環境都好舒適。望住個景都好靚，對正時代廣場心臟地帶全景。望住咁繁榮人來人往嘅街景，又同朋友輕鬆傾吓計，感覺好特別。雖然有得散叫，但叫套餐比較方便同抵食。佢嘅套餐係斷人頭計，一人大概＄200 ,包晒前餐飲、前菜、湯、主菜、甜品、後餐飲等，好抵食。落咗order 未有嘢食，就同朋友玩下鋪頭提供嘅Card games,波字棋。一邊玩，一邊飲下餐前飲，我地叫左兩杯雪糕水蜜桃梳打，有陣陣水蜜桃香，仲有雪糕食，岩晒我黎d咁為食既人。前菜有酥皮螺肉撻，一人有兩粒，酥皮食落好鬆化，不過醬汁味道蓋過螺肉，我地連食左螺肉都唔知。餐湯就正正常常，如果餐具精美會食得更開心。跟住落嚟嘅鵝肝，系黎一餐飯嘅重頭戲。上菜時我同朋友都望住對方，心諗，塊鵝肝會唔會太大塊！而且煎得唔差，鵝肝嘅汁完全鎖晒係入面，食細細啖已經滿口鵝肝嘅香味。佢會比塊麵包你送鵝肝，令你唔會覺得太膩。就到主菜啦，有卡邦尼火腿意粉同埋豬肋骨加薯仔屋出名既芝士薯條。你份量實在好大，我覺得如果係三個人份量先岩岩好
餐廳地方雖然唔大，但環境都好舒適。望住個景都好靚，對正時代廣場心臟地帶全景。望住咁繁榮人來人往嘅街景，又同朋友輕鬆傾吓計，感覺好特別。
雖然有得散叫，但叫套餐比較方便同抵食。佢嘅套餐係斷人頭計，一人大概＄200 ,包晒前餐飲、前菜、湯、主菜、甜品、後餐飲等，好抵食。
落咗order 未有嘢食，就同朋友玩下鋪頭提供嘅Card games,波字棋。一邊玩，一邊飲下餐前飲，我地叫左兩杯雪糕水蜜桃梳打，有陣陣水蜜桃香，仲有雪糕食，岩晒我黎d咁為食既人。
前菜有酥皮螺肉撻，一人有兩粒，酥皮食落好鬆化，不過醬汁味道蓋過螺肉，我地連食左螺肉都唔知。餐湯就正正常常，如果餐具精美會食得更開心。
跟住落嚟嘅鵝肝，系黎一餐飯嘅重頭戲。上菜時我同朋友都望住對方，心諗，塊鵝肝會唔會太大塊！而且煎得唔差，鵝肝嘅汁完全鎖晒係入面，食細細啖已經滿口鵝肝嘅香味。佢會比塊麵包你送鵝肝，令你唔會覺得太膩。
就到主菜啦，有卡邦尼火腿意粉同埋豬肋骨加薯仔屋出名既芝士薯條。你份量實在好大，我覺得如果係三個人份量先岩岩好。
意粉食落有奶香味，但係偏乾身，如果多啲汁會更好食。豬肋骨份量超級大，雖然冇高級西餐廳咁好食，但係性價比好高，如果肉質嫩少少會更好。我同朋友都好鍾意食配菜，薯仔屋招牌薯角，係我哋嘅最愛，啱啱炸起好新鮮，加埋濃郁醬汁，全部俾我地清晒。
食完主菜，仲有甜品！係雪糕泡芙，有新鮮士多啤梨， 賣相味道都唔錯。原本個餐仲包埋兩杯餐後飲品，但我同朋友實在太飽，所以冇飲到。
小桃咖啡室位置10分方便，好啱行街行到攰嘅朋友、放工傾吓計、開party。價錢都係＄200個左右，有得玩有得食，好抵，會再去！
Post
