炊豕店 (加路連山道) (Closed)

好味指數：🌟⭐️⭐️⭐️抵食指數：🤑🤑🤑喺南華會打完波想食返啲好嘢獎勵自己，一直知道呢間店成日排長龍，咁啱呢個鐘數唔多人就去試吓啦✅蔥油豬扒飯上菜就見到好多蔥油，正🤤豬扒炸到金黃色，厚切得嚟肉質結實，炸粉厚度適中，而且炸得啱啱好，做到外面脆入邊又唔會太乾。另外加咗個肉燥汁，香濃嘅醬汁加埋少肥嘅腩肉碎真係好開胃✅叉粒豆角蔥花炒滑蛋飯配料豐富嘅飯，叉燒切得夠細粒，炒蛋夠滑，加埋豆角再多一層口感，連埋蔥油配飯一流✅唐揚炸雞炸雞酥脆雞肉嫩滑，加埋炸蒜粒同秘製醬汁更加惹味