芯 (Closed)

解禁晚市堂食的第一日到訪了依間居酒屋同朋友啤一啤，居酒屋主打鐵板燒和串燒，亦有提供丼物、壽司、小食。🍽️ 八爪魚大阪燒睇到大阪燒上有大量鰹魚木片在扭動非常治癒，大阪燒外層香脆，裏面的粉漿、椰菜和八爪魚比例剛好，八爪魚都幾大粒，有咬口；椰菜吸收了醬汁，好入味，再加上燒汁和沙律醬，非常惹味。🍽️ 串燒 (牛舌、雞皮)串燒相當的驚喜！雞皮用兩支竹籤穿住，好似一幅布咁，上面灑上七味粉，超薄脆！牛舌超厚切，好香牛油味，口感爽脆又軟嫩，裏面肉汁濃郁。🍽️ 燒牛丼牛肉燒至7成熟左右，肉質粉嫩多汁，上面再塗上醬油，灑上香蒜片，好香口。🍽️ 吉列吞拿魚第一次食吉列吞拿魚，切成立方體的吞拿魚炸得外層金黃香脆但不油膩，裏面半生熟，口感特別。啤酒做緊優惠，今次試左HALF HALF，係日本金得利金啤溝黑啤。整體嚟講，餐廳食物有質素，定價比一般居酒屋低，性價比高，值得再訪。