スーパー丼 (駱克道) (Closed)

Superdon係其中一間我經常去嘅餐廳，因為佢嘅用料新鮮，價錢都非常抵食👍🏼 係銅鑼灣嚟講，性價比真係算幾高！鵝肝和牛丼每次都係必點之選，牛肉半生熟，煎得啱啱好，外層好香，入面嫩滑，加埋煎到金黃色嘅鵝肝真係好邪惡。最鍾意係佢嘅燒汁，好香，帶啲甜味，好快就餸哂成碗飯！今次另外叫咗佢哋嘅温泉蛋吞拿魚蓉三文魚子丼，魚生夠多，而且新鮮鮮甜，一粒粒嘅三文魚子再加上蛋王同埋大量蔥碎，每一啖飯都鋪滿左料，好滿足。