Video
Read full review
2021-03-23
347 views
平時岀去食飯好少食法國菜，朋友揾到銅鑼灣呢間價錢合理，性價比高就去左試🥰 每位$698 加$298 with wine pairing🥂 而且主廚Jeff Chan都大有來頭～ 係Amber餐廳的開店功臣，之後做左Hullett House法國餐廳 St. George的主廚，仲有同法國大廚受訓過一年，品質一定有保證😙 呢度環境雖然唔大，但係室內設計都令人有好舒適嘅感覺，同埋牆上人手畫嘅畫都好靚！首先會有一個麵包籃，其中紫菜麵包係好香口感好好，加埋呢個正到不得了既牛油，淨係第一樣已經好岀色！仲有芒果Parma ham幾refreshing到頭盤，第一樣西班牙紅蝦薄片配鷹嘴豆蓉、薄荷醬，一片紅色既薄片係由蝦切岀黎超花功夫，上面既鷹嘴豆蓉帶有芝麻醬既味道，更突出西班牙紅蝦薄片的鮮甜！ 第二樣係煙燻油浸三文魚配法國魚子醬牛油果青瓜沙律，賣相相當吸引，上枱時有個玻璃球係上面，打開就隨即飄散出帶蘋果木的煙燻，好香！三文魚用左低温油封既方式，食落油份好重有入口即溶即口感，加埋魚子醬，簡直係絕配😍 第三樣既頭盤係呢個法式帶子燴海鮮，日本刺身級既帶子夠哂鮮甜不在話下，下面個汁先係精華，慢火熬煮45分
呢度環境雖然唔大，但係室內設計都令人有好舒適嘅感覺，同埋牆上人手畫嘅畫都好靚！
首先會有一個麵包籃，其中紫菜麵包係好香口感好好，加埋呢個正到不得了既牛油，淨係第一樣已經好岀色！仲有芒果Parma ham幾refreshing
到頭盤，第一樣西班牙紅蝦薄片配鷹嘴豆蓉、薄荷醬，一片紅色既薄片係由蝦切岀黎超花功夫，上面既鷹嘴豆蓉帶有芝麻醬既味道，更突出西班牙紅蝦薄片的鮮甜！
第二樣係煙燻油浸三文魚配法國魚子醬牛油果青瓜沙律，賣相相當吸引，上枱時有個玻璃球係上面，打開就隨即飄散出帶蘋果木的煙燻，好香！三文魚用左低温油封既方式，食落油份好重有入口即溶即口感，加埋魚子醬，簡直係絕配😍
第三樣既頭盤係呢個法式帶子燴海鮮，日本刺身級既帶子夠哂鮮甜不在話下，下面個汁先係精華，慢火熬煮45分鐘的白魚骨湯底加入忌廉及牛油麵糊，creamy既質感，加上螺肉、青口、蜆等海鮮，味道真係好獨特好正好難忘😍
第一樣主菜-法式脊翼牛扒配香草牛油，近牛肚位置的牛扒，肉味好香濃。自家製香草牛油加入左好多唔同既香料，層次好豐富。伴碟既黑松露薯蓉、烤蘑菇都好正！
呢一樣就揀左馬賽海鮮湯 (+$98)，魚湯鮮味好濃郁，用左馬賽空運嘅三款魚熬製好耐，加快惠藏紅花蛋黃醬，帶出少少辣味更加惹味。湯入面仲有鱈魚、鱸魚、青口、虎蝦等等既海鮮，非常足料！
甜品都超級有心思～紅寶朱古力法式千層，之前都有聽講過紅寶石朱古力好罕有，天然的粉紅色，也蘊含莓的味道，令整個法式千層味道酸甜有致，而且呢個朱古力食落唔會太甜食晒都唔會覺得有罪惡感，成餐都好滿足🥰
Post
