組長日式放題 (Closed)

今晚同朋友去了銅鑼灣組長食放題，平時放題餐廳會超多人而且又嘈，呢到反而舖仔細細，而且唔會太嘈，上菜效率超快，雖然話食兩個鐘，但夠食有餘。放題最基本既自助飲料，韓國啤酒、汽水、可樂等，又有玄米茶及柚子茶。甜品款式有五六款，有布甸、迷你撻、麻糬等，款式不算多。雪糕雪條都是雀巢，有兩款其他品牌的雪糕。加了$38升級食的焗蠔，蠔肉比較細，表面舖滿了薯蓉，焗得香口。鵝肝多士比較油膩，但份量適中，不會太多太膩。安格斯牛柳有肉香而且不會太熟，充滿肉汁又諗。粟米魚肚羹絕對足料，粒粒粟米及魚肚。送的打邊爐鍋，點了花膠湯底，有很多海鮮，如蝦、青口、墨魚仔及蔬菜等。刺身款式都幾多，基本的三文魚、油甘魚及帶子等，刺身質素中等，寫幾多送幾，而且上菜快亦無漏單。燒物如菠蘿香甜唔酸，燒牛肉粒很腍。天婦蘿炸得外脆內軟，粉漿不會太厚。