江仔記粉麵專家

Open Now

Now Closed

Cwb向來寸土寸金，餐飲價格亦是坐地起價。行到有些累想坐底醫下肚，不想食food court，又唔想行太遠，就在time square四周圍轉下。夜晚八點幾見到有間粉麵檔高朋滿座，開放式的窗口可以看見師傅賣力地碌緊粉麵。掃了一眼餐牌價格，看似合理，連間鋪叫咩名都唔知就入咗去。一樓滿人，店員即刻帶我們上二樓入座。話時話，對於在銅鑼灣賣30零蚊的一碗湯粉，我沒有抱很大的期望，而且落單時店員仲落錯單，魚片變成牛丸。碗碟羹統一印有「江仔記」，頗有用心，證明呢間受大眾認受性唔低。抱住隨便食食的心態，估唔到味道不錯。雖然忘記叫走青，但沒有影響到清湯底的鮮甜，同我在潮州食的湯河味道相似，幾正宗下。牛丸就麻麻地，係彈牙嘅，不過味精味過重。魚蛋被藏在粉底，口感一般，少咗果種鹹鮮味。腐乳通菜ok，16蚊都幾大碟，腐乳醬俾得甚是豪爽，鹹咗啲，食到後面要浸在湯度食一食先入到口。可能係太肚餓，平時一碗湯粉都食不完的我竟然食到見底，主要歸功於美味湯底。價錢又親民，就簡餐黎說是一個好選擇。