鐵板燒雪舟

Open Now

Now Closed

今日試下呢間位於銅鑼灣的日式鐵板燒餐廳，一入黎就覺得好舒服，吧枱位置可容納到十幾人，可以睇住廚師煮新鮮出爐既食物， 淨係睇嘅過程已經好滿足！侍應生先上醬料， 濕紙巾等用具，放得好整齊， 果鹽係圓圈嘅形狀好特別

我地嗌左lunch set，季節沙律用黑醋汁同埋新鮮沙律菜開左個胃先

前菜都已經有好幾款， 而且放得好精緻，有厚切新鮮既刺身， 幼嫩滑嘅豆腐 

首先第一道菜上咗個鮑魚先，廚師好用心咁烹調丫，鮑魚圓潤厚身，燒至邊緣微微焦色，肉質彈牙、帶嚼勁，啖啖純樸的鮮香。

活龍蝦超新鮮，咬落去非常彈牙，廚師烹調嘅時候會用龍蝦膏製作醬汁，味道濃郁，加埋有PestoSauce 點埋一齊食，好食推介👍🏻

帶子大大粒，肉質嫩滑雪白，香煎後外微脆內嫩，配上明太子特調醬汁，和爽口的三文魚籽，口感豐富

肥瘦相間的日本和牛薄燒脂肪分布勻稱，炒野菜份量都好多，鹹香的麵豉湯富豆香，還有豆腐粒和昆布等。櫻花蝦炒飯粒粒分明的日本產珍珠米均勻上色及蛋花，充滿鑊氣，爽脆的櫻花蝦散發濃郁香氣，冬菜略添口感，鹹香甘甜。仲有一個日式冷烏冬，入面有蕃茄， 此時此刻，已經飽到上心口…

最後仲有一個生果，同埋飲品， 總括