古早味台灣原味 (Closed)

因為朋友係銅鑼灣返工，就佢放lunch break,所以係銅鑼灣食lunch。佢話「思鄉」想食台灣嘢，所以就黎咗古早味台灣原味試下。因為當時已經兩點幾，所以唔使等位。餐廳環境好幽靜，好適合兩三位朋友一齊食野傾計。原本以為銅鑼灣啲午餐都應該要至少$80，但依度午餐係$70有找，仲包埋野飲同小伴碟。選擇困難自己症，樣樣都想食，所以都搞咗一陣先決定到。職員好好，唔會走過黎催你落單同好有禮貌。最後我就嗌咗個古早味干撈麵（粗麵）同珍珠茉香奶綠。而朋友就嗌咗個紅燒豬軟骨麵同茉莉綠茶。因為我地兩個都比較大食，所以都跟餐叫左一個宜蘭蔥香餅小食。我地覺得兩碗麵都好足料。古早味干撈麵有兩舊大豬軟骨同滷肉粒，而紅燒豬軟骨麵就有三大舊豬軟骨。撈麵個汁好濃，好啱鍾意重口味嘅人，而湯麵個湯相對就比較淡，如果濃返少少就perfect!個宜蘭蔥餡餅好好食！一開始唔知，咬落去原來會爆汁😂因為本身好鍾意食韭菜餃，所以都好鍾意同推介依個蔥餡餅。至於飲品，珍珠茉香奶綠唔會太甜，個茉莉綠茶飲落就好似係完全無糖😂😂😂不過我同朋友都唔太鍾意飲甜嘢，所以覺得不錯。朋友食完仲話今次發掘咗新地方，lunch唔使再成日捱貴餐廳🤣🤣🤣