名館 (Closed)

每逢星期日，就會想同屋企人飲茶，一盅兩件。呢次試吓位於希慎嘅「名館」。餐廳有點心放題嘅選擇，不過我同屋企人都唔食得多，所以揀返散叫。餐廳供應蕎麥茶，對於老人家來講唔習慣。午餐除咗點心，仲有小菜、燉湯、水煮系列等。「名館」環境開揚，枱與枱之間有距離，座位幾闊落舒適。=========================【名館筍尖蝦餃皇】$48蝦餃賣相精緻，皮略厚，鮮蝦彈牙，加入筍尖作餡料，口感爽脆。【鑊仔生煎蓮藕餅】$48混合芫荽幾香口，爽脆唔油膩，食到蓮藕粒粒，夠厚有口感【鴛鴦流汁叉燒包】$42呢個幾特別，外皮煎得香口，似生煎包嘅質感餡料係叉燒包嘅醬汁【太極馬拉糕】$58太極圖案嘅造型有心思，一半金黃色嘅原味，一半黑芝麻味；表面氣孔偏大，食落質地偏結實，欠缺香味，黑芝麻味淡。=========================名館 (銅鑼灣)📍銅鑼灣軒尼詩道500號希慎廣場14樓1401號舖