Video
Read full review
2024-02-14
226 views
TREEHOUSE 📍銅鑼灣霎東街7號地舖情人節正日，周圍都係搵食情侶，如果無book檯，相信唔止西餐，分分鐘連去冰室鋸扒都要排隊。所以上年情人節，我同我同朋友刻意揀咗比較少人食嘅台灣小店，嘆咗個情人節二人餐。今年，我哋重施故技，喺踏入2月嘅時候就食咗幾餐大餐，到正日就食啲唔洗book位嘅餐廳，一嚟可以唔洗同人迫，二嚟又可以幫荷包慳返唔少！因為新年期間大魚大肉，食咗好多油膩嘢，我哋都想食返啲清啲嘅健康食物，所以索性搵咗間新派素食餐廳食晚餐，慶祝情人節。呢間叫TREEHOUSE嘅西式餐廳除咗供應各式各樣素食外，仲好eco-friendly，堂食同外賣使用嘅食具同器皿都係用環保物料製成，切切實實做到愛護地球。我哋好欣賞佢哋鼓勵人食用whole foods之餘，肯花心思同創意令健康嘅食材變得更易入口、更易被人接受，就連我呢啲一向無肉不歡嘅食肉獸都可以食得好滿足。要留意餐廳係self service嘅，用餐後要自己清理餐盤。店內全部員工都係非本地人，只能用英語溝通，不過怕羞唔敢講英文嘅話，都可以用自助點餐機叫嘢食㗎！ 💰$60是日例湯 🥣我哋同店員傾咗陣偈，佢向我哋推介佢哋當日嘅例湯，叫我哋飲
📍銅鑼灣霎東街7號地舖
情人節正日，周圍都係搵食情侶，如果無book檯，相信唔止西餐，分分鐘連去冰室鋸扒都要排隊。所以上年情人節，我同我同朋友刻意揀咗比較少人食嘅台灣小店，嘆咗個情人節二人餐。
今年，我哋重施故技，喺踏入2月嘅時候就食咗幾餐大餐，到正日就食啲唔洗book位嘅餐廳，一嚟可以唔洗同人迫，二嚟又可以幫荷包慳返唔少！
因為新年期間大魚大肉，食咗好多油膩嘢，我哋都想食返啲清啲嘅健康食物，所以索性搵咗間新派素食餐廳食晚餐，慶祝情人節。
呢間叫TREEHOUSE嘅西式餐廳除咗供應各式各樣素食外，仲好eco-friendly，堂食同外賣使用嘅食具同器皿都係用環保物料製成，切切實實做到愛護地球。我哋好欣賞佢哋鼓勵人食用whole foods之餘，肯花心思同創意令健康嘅食材變得更易入口、更易被人接受，就連我呢啲一向無肉不歡嘅食肉獸都可以食得好滿足。
要留意餐廳係self service嘅，用餐後要自己清理餐盤。店內全部員工都係非本地人，只能用英語溝通，不過怕羞唔敢講英文嘅話，都可以用自助點餐機叫嘢食㗎！
[價錢 Price]
💰$60
是日例湯 🥣
我哋同店員傾咗陣偈，佢向我哋推介佢哋當日嘅例湯，叫我哋飲下，睇下知唔知係用咩原材料煮嘅。湯嘅顏色呈淺黃，上面浸住兩嚿三角形炸物，味道同口感都好似咖喱角嘅表皮，喺湯面倒少少欖欖油，灑上蔥花，望落同一般西湯無咩大分別。
例湯質感creamy，帶少少顆粒感，入口有好濃烈嘅香料味同蔬菜嘅青味。朋友開初認為係用芥菜同薯仔煮成，而我就估係用鷹嘴豆煮成，點知我哋都錯晒！
親切嘅店員介紹，其實係用咗椰菜花整成，我哋飲唔出，主要係因為佢哋落咗唔同嘅天然香料調味。得知真相後真係嚇一跳，因為我平時一啲都唔鍾意食cauliflower，但原來肯花心思將佢煮成湯，味道係會咁新穎，仲不知不覺飲晒成碗！
[價錢 Price]
💰$88
雪松沙律 🥗
Salad bowl係呢度最受歡迎嘅食品之一，有接近40款toppings任君組合，想食咩由你話事。有選擇困難症嘅我哋揀咗其中一款signature combo，Cedar，𥚃面有齊生菜、牛油果、醃製紅洋蔥、羽衣甘藍、烤南瓜等，仲有4-grain mix，混合糙米、小米、紅米同藜麥，一個regular size嘅碗，堆滿新鮮食材，營養豐富又飽肚。
我個人非常推介撈佢哋嘅Chipotle sauce一齊食，佢係帶有煙燻辣味嘅蛋黃醬，食落微辛，為各種食材加添層次。
[價錢 Price]
💰$118
苔原漢堡 🍔
Tundra Burger望落係咪同肉漢堡好似呢，佢嘅patty係用咗烤南瓜同穀類製成，口感雖然無肉類咁紮實多汁，但味道都拍得住真嘅肉扒㗎。而且佢捨棄咗一般burger會用嘅茄汁或蛋黃醬，喺上下兩層包皮內塗滿特製herb sauce，令整個包味道變得有層次。
最特別嘅莫過於sourdough bun同vegan cheese，前者因為無額外添加牛奶、油等等，口感紮實得嚟又有自然嘅麥香同酸香，食落一啲都唔油膩；後者則非常新奇，係我第一次食嘅味道！Burger入面仲夾咗常見嘅生菜、蕃茄同洋蔥，呢三款新鮮嘅食材能夠中和整體嘅飽滯感，推介俾鍾意食burger嘅大家。
[價錢 Price]
💰$45
夏威夷果仁朱古力曲奇 🍪
其中一個我揀呢間餐廳嘅原因，就係好想試下佢哋嘅vegan dessert！店員同我哋推介咗兩款，第一款就係夏威夷果仁朱古力曲奇，用咗小蜜粉、椰子油、荳奶、原糖、朱古力粒同夏威夷果仁整成。佢嘅口感介乎於硬曲奇同軟曲奇之間，咬落比較易散，但無一般用牛油整嘅曲奇咁油膩。雖然味道偏甜，但知道佢係用原糖，而唔係精煉糖嚟整，食得非常安心，即使食多少少都唔會覺得有罪惡感。
[價錢 Price]
💰$50
核桃布朗尼 🍫
另一款甜品係brownie，佢用咗黑朱古力、核桃、原蔗糖、椰子油、木薯粉、亞麻籽粉、小麥粉同海鹽製成。呢一個甜品係我全場最鍾意嘅一樣食物，因為佢還原到brownie嘅口感同味道，黑朱古力香醇但唔會苦，細嚼後仲有合桃嘅香味，呢個size無論自己一個人食，定好似我哋兩人分食都非常適合，嚟到一定要叫返件嚟試呀！
[價錢 Price]
💰$30
凍美式咖啡 ☕️
最後，我哋一人叫咗一杯iced Americano，主要係因為初一至初四真係無覺好瞓，到初五嘅時候就覺得好眼瞓，所以想整返杯咖啡醒醒神。個人認為食兩款甜品飲呢款有機咖啡就最夾啦，因為甜品始終有一定嘅甜度，但飲少少咖啡，就可以中和口中嘅甜膩，令一向唔飲咖啡嘅我都能細味一番。
Post
