Video
Read full review
2019-05-15
159 views
銅鑼灣新開咗間fusion火鍋，再加上周董加持，好吸引，今日就黎試下啦。頭盤：柚子醬汁配龍蝦油帶子好fresh，個汁好特別，形容唔到咁好食 呢一個前菜好正，開胃前菜非常好。頭盤：芝麻汁配廣島蠔 + A5和牛壽喜燒紫菜味好香，而且廣島蠔嘅炸粉唔厚，本身蠔好好食，配上呢款汁口感層次好豐富。和牛入口即溶，牛味好濃，配上壽喜燒嘅醬汁同生蛋黃，而且鹹味適中，完美。頭盤：凍湯飲落有小小似甜品，口感好特別 ，而且凍湯冇熱湯嘅油膩感覺，好有心思。加上個底有蜜糖，好特別令到味道有好有層次感。頭盤嚟論，非常有驚喜！入到正餐打邊爐，我覺得最有驚喜係秘製豉油，豉油由師傅精心調製過，由牛肉湯同牛肉碎熬製而成，冇普通豉油咁鹹，真係好好味。九宮格配料區雖然餐廳提供嘅配料都好吸引好好食，但係當你試完個秘製豉油之後，配料其實唔太有需要。因為嗰豉油已經好正，但係為左試下唔同配料，我地問左問店員拎多隻小碟去分開裝配料，咁就唔會影響個豉油味道。海膽麵豉湯底湯底味道唔太鹹，個海膽味道都好鮮。日山A5和牛拼盤 和牛部位每日唔同由廚師精選唔同部位，有肥有瘦，牛味十足好好食，職員解釋得好清楚咩部位同肥瘦程度。海鮮拼盤同和牛拼盤一樣
頭盤：柚子醬汁配龍蝦油帶子
柚子醬汁配龍蝦油帶子
5 views
0 likes
0 comments
好fresh，個汁好特別，形容唔到咁好食 呢一個前菜好正，開胃前菜非常好。
頭盤：芝麻汁配廣島蠔 + A5和牛壽喜燒
芝麻汁配廣島蠔 + A5和牛壽喜燒
5 views
0 likes
0 comments
A5和牛壽喜燒
4 views
0 likes
0 comments
紫菜味好香，而且廣島蠔嘅炸粉唔厚，本身蠔好好食，配上呢款汁口感層次好豐富。和牛入口即溶，牛味好濃，配上壽喜燒嘅醬汁同生蛋黃，而且鹹味適中，完美。
頭盤：凍湯
飲落有小小似甜品，口感好特別 ，而且凍湯冇熱湯嘅油膩感覺，好有心思。加上個底有蜜糖，好特別令到味道有好有層次感。
頭盤嚟論，非常有驚喜！入到正餐打邊爐，我覺得最有驚喜係秘製豉油，豉油由師傅精心調製過，由牛肉湯同牛肉碎熬製而成，冇普通豉油咁鹹，真係好好味。
九宮格配料區
雖然餐廳提供嘅配料都好吸引好好食，但係當你試完個秘製豉油之後，配料其實唔太有需要。因為嗰豉油已經好正，但係為左試下唔同配料，我地問左問店員拎多隻小碟去分開裝配料，咁就唔會影響個豉油味道。
海膽麵豉湯底
海膽麵豉湯底
35 views
0 likes
0 comments
湯底味道唔太鹹，個海膽味道都好鮮。
日山A5和牛拼盤
日山A5和牛拼盤
17 views
0 likes
0 comments
和牛部位每日唔同由廚師精選唔同部位，有肥有瘦，牛味十足好好食，職員解釋得好清楚咩部位同肥瘦程度。
海鮮拼盤同和牛拼盤一樣每日唔同，廚師會揀返每日有咩新鮮嘅海鮮。
振興肉丸拼盤 + 和牛牛肝菌意大利雲吞
9 views
0 likes
0 comments
振興肉丸拼盤 + 和牛牛肝菌意大利雲吞有三款肉丸，分別係牛骨濃汁牛丸，薑汁皮蛋貢丸，牛蒡魚蛋，當中薑汁皮蛋貢丸最有驚喜，爆汁係薑味，好特別好好食，但薑汁比較重，如果怕薑味就可能唔太中意。另外由廚師自己包意大利雲吞，和牛餡料好juicy，雲吞皮比較厚身，煮耐左小小都唔會散開。
和牛意大利冷麵
11 views
0 likes
0 comments
由和牛小排加自家製意大利麵配上秘製醬汁，真係回味無窮。手工製意大利麵好煙韌，好有心思，加埋秘製醬汁層次好豐富。
最後到甜品拼盤包括椰子芋頭蓉，茉莉花味泡泡加抹茶蛋糕，士多啤梨蓉加士多啤梨棉花糖，鹹蛋黃糯米糍。
職員介紹由淡味開始食，茉莉花味嘅泡泡好得意，士多啤梨好fresh唔會太甜，最後鹹蛋黃糯米糍咬落去有流心鹹蛋黃，好有驚喜超好食，Menu以呢個甜品做ending好有心思。
整個試業期間所有客人都可以試Tasting Menu，一次過試曬佢啲和牛同其他菜式，好滿意好滿足。唯獨美中不足嘅係，邊爐嘅鍋好高身，好難坐係到就夾到菜，好多時候都需要企起身。
整體黎講，餐廳好有心思安排每一道菜同職員好有誠意介紹每一道菜同配料嘅由來。
Post
