Video
Read full review
2015-05-12
208 views
好耐無過銅鑼灣大代搵食，發現曉廚轉晒門面喎，有點心、蒸飯食呢！行混銅鑼灣區都唔見有盅頭飯食，終於有多一個經濟選擇啊！係依區食個雲吞麵仔都講緊 $40、$50 蚊呀，鑊鑊食完赤赤痛！依家仲唔係曙光初現！噢！隔離間麻辣舖吉左喎，咁快執左喇？出品唔差架喎，麻辣雞、麻辣魚都好好味，係唔夠熱啫。新曉廚噴晒蒸氣非常有氣氛，爽！仲香噴噴。檢查吓個 menu 先，點心款式都非常之多、蒸飯都五六款，選擇困難症又發作！而且我個胃空間有限，如果食個蒸飯的話，點心食唔得多呢！煩惱中。單點蒸飯 $32 送凍飲。套餐 A 有蒸飯、點心、凍飲各 1。套餐 B 有兩個點心、1 個炒菜連凍飲，都係 $48 乍。可能係全條街最平添！嘩，下午茶更平囉。椰子海底椰燉排骨湯，我最鍾意飲湯，有湯必 order！係紫砂燉湯盅？特點係能夠保存食材原汁原味，仲會越燉越濃郁，非常好！湯最緊要夠熱，火喉直接係燉湯盅度滲出黎呀！淺嘗一口，剛剛燙嘴，正！味道濃厚排骨味，並未蓋過椰子既清香，好好飲呢！我連湯漬都食晒，椰子同海底椰同樣爽脆有趙口，排骨肉多骨少，部份仲有軟骨咬到卜卜脆，食得過癮。鳳爪排骨蒸飯，由基本開始試起。無淨排骨飯？我對鳳爪麻麻
好耐無過銅鑼灣大代搵食，發現曉廚轉晒門面喎，有點心、蒸飯食呢！行混銅鑼灣區都唔見有盅頭飯食，終於有多一個經濟選擇啊！係依區食個雲吞麵仔都講緊 $40、$50 蚊呀，鑊鑊食完赤赤痛！依家仲唔係曙光初現！
噢！隔離間麻辣舖吉左喎，咁快執左喇？出品唔差架喎，麻辣雞、麻辣魚都好好味，係唔夠熱啫。新曉廚噴晒蒸氣非常有氣氛，爽！仲香噴噴。
檢查吓個 menu 先，點心款式都非常之多、蒸飯都五六款，選擇困難症又發作！而且我個胃空間有限，如果食個蒸飯的話，點心食唔得多呢！煩惱中。
單點蒸飯 $32 送凍飲。套餐 A 有蒸飯、點心、凍飲各 1。套餐 B 有兩個點心、1 個炒菜連凍飲，都係 $48 乍。可能係全條街最平添！嘩，下午茶更平囉。
椰子海底椰燉排骨湯，我最鍾意飲湯，有湯必 order！係紫砂燉湯盅？特點係能夠保存食材原汁原味，仲會越燉越濃郁，非常好！湯最緊要夠熱，火喉直接係燉湯盅度滲出黎呀！淺嘗一口，剛剛燙嘴，正！味道濃厚排骨味，並未蓋過椰子既清香，好好飲呢！我連湯漬都食晒，椰子同海底椰同樣爽脆有趙口，排骨肉多骨少，部份仲有軟骨咬到卜卜脆，食得過癮。
鳳爪排骨蒸飯，由基本開始試起。無淨排骨飯？我對鳳爪麻麻。師傅已幫我直接將甜豉油唧到飯中，索一索聞到豉油清香加排骨肉香，撈勻即砌啦！仲等前奏咩！一粒粒修長而飽滿既白米跟甜美豉油混和，連排骨大啖大啖地送入口，無需半點矜持或猶豫！飯香跟肉汁在口腔內打滾，食得非常冶味！滿意。
試完原味，又到我最喜歡既辣椒渣撈飯喇。嗜辣既我推介！辣椒渣撈盅頭飯加甜豉油或撈炒飯係超香口惹味架，當然要視乎辣椒油既質數啦。曉廚自家辣椒油夠辣夠香，複雜細膩香辣既味道，good！
手打鯪魚球，收銀哥哥大力推介話受歡迎堅好味！無所謂，一試無妨。剛蒸起熱騰騰出晒煙，加點豉油，好香喎。咬啖先，好鮮好鮮，完全無腥味，超彈呀！應該係我食過最好味既鯪魚球，推介！
多年雞紮都係我其中喜歡既點心，啖啖肉麻，哈哈。蝦餃、燒賣、灌湯餃、牛栢葉、等等，都好鍾意食！但今晚無咩胃口，食唔到咁多啦。
四寶魚肚雞紮，難得係用魚肚做，好多食肆都轉左用豬皮，貪平貪方便！佢地唔會以為食家們食唔出架麻？爽彈多汁棉花魚肚，索晒雞汁蟹柳芋頭既味道，當然好食啦！其實正中食雞紮係唔應該拆散黎食架，應該一啖咬到四種食材，先可以感受到複雜又豐富既味道及口感，好味呀！美中不足係腐皮爆開露餡，而且乾左少少，要扣分！但味道係正既。
食飽飽，滿足滿足，但硬係欠杯中國茶囉！唯有攞杯可樂頂住先，一啖飲晒，爽呀！雖然無咩胃口都食左唔少野呢！就算一個人都要食得開心！唔係！應該話一個人更加要食得開心！一盅飯連一個點心及汽水，$48 加燉湯 $18，散叫點心廿蚊，計埋 $90 有找，係銅鑼灣抵食啦！
Post
