吉列牛忌廉烏冬專門店 (百樂中心) (Closed)

今日嚟到銅鑼灣食吉列牛同埋忌廉烏冬～ 呢間餐廳我已經喺旺角食過幾次，今次第一次嚟到銅鑼灣呢邊食，一直都覺得佢哋嘅咖喱忌廉烏冬好好味，同大家分享吓先！套餐2）吉列牛定食 $256我同朋友叫咗個吉列牛配忌廉烏冬定食。吉列牛set好豐富，有前菜包括麻醬豆腐、麻醬車厘茄，仲有麵豉湯、白飯等等。吉列牛有十幾嚿，表面已經炸到好香脆，外皮薄薄一層。內裏牛肉未熟嘅，我哋可以因應自己喜好，將牛肉放喺鐵板上面煎，煎到適合自己嘅熟度。牛肉煎完後好香，肉味出。之後仲配有三款醬料可以點，分別有燒汁、黑松露牛油同埋Wasabi沙律醬。吉列牛食落口感特別，外皮好脆，牛肉軟腍。咖哩忌廉烏冬套餐仲包括咖喱忌廉烏冬，忌廉烏冬晚上好靚，面頭有一大層忌廉。忌廉質地好輕盈，好泡泡，為咖喱添加一種奶香。咖喱味道濃郁，唔會太辣。烏冬質地煙靭，好滑身。另外仲可以揀配雞肉或者牛肉，今次我哋揀咗牛肉，牛肉份量多！Passion Punch +$18呢個set仲跟咗兩杯飲品，百香果特飲好清新，好夠氣，仲有啲百香果籽！忌廉汽水免費唔使加錢～日式炸雞 $58我哋仲嗌咗個小食，日式炸雞份量多，每粒細細舊，好容易入口。外皮炸到好香脆，入面雞肉仲係