悉尼樂園 (Closed)

就快就到農曆新年啦，又有長假期，諗好約朋友去邊度食嘢未？今日同大家去到銅鑼灣，試吓一間樓上Cafe。銅鑼灣悉尼樂園以山寨版主題樂團為主題，行懷舊式路線再配搭大量的稀有擺設，吸引不少朋友嚟打卡📸食野。Cafe牆上有唔少惡搞迪士尼既公仔，夠哂鬼馬。食物方面，我哋就點咗「南瓜蟹肉燴飯」。南瓜燴飯口感適中，唔會太淋身，南瓜比預期更Creamy，而且味道偏香甜。配埋蟹肉一齊食，口感變得豐富，而且多左一份蟹肉既鮮甜味，感覺唔錯👍🏻。 「喇沙龍蝦汁配大蝦長通粉」較為惹味😋。表頭幾隻大蝦都厚肉，咬落幾爽脆，呢款喇沙龍蝦汁食落幾香濃惹味，配意粉都幾好😙。同朋友食嘢就當然要叫返個小食拼盤啦。入面有燒菠蘿、煙三文魚沙律、洋蔥圈，唔洗怕有炸物怕熱氣。菠蘿🍍燒過後意外地好味🤤，食落會更香甜😚。飲品我哋就叫咗一杯啤酒一杯Mocktail，兩款都係甜甜地，幾容易入口，啱晒同朋友邊飲邊食邊吹水😌。整體呢度都幾有氣氛，同朋友嚟食野打卡又得～