Milu Thai มิลู่ไทย (百樂中心)

Open Now

Now Closed

就到假期，一於約男朋友去Milu Thai食泰國菜先。新年個自都要拜年，應該要初四先會見面啦。知道餐廳出名食火山排骨，我地當然要點喇。<火山排骨> $228火山排骨一上枱個份量嚇親男朋友。四五舊大排骨堆咗成座山出來，店家會提供手套，方便客人攞上手食，秘製嘅酸辣汁非常開胃，亦都有咁上下嘅辣度。醬汁淋上排骨食落好入味。我建議要趁熱食，凍咗排骨就比較難扯開黎食。<咖哩三重奏(配蒜蓉包粒)> $218顧名思義，咖哩三重奏有齊三種唔同咖哩，每一格咖哩配上不同海鮮，分別為紅咖哩加青口&蝦，黃咖哩加扇貝&魚柳，同埋青咖哩&軟殼蟹。咖哩辣度偏小辣，海鮮加埋咖哩喺絕配，再加埋蒜蓉包沾滿咖哩汁，味道冇得彈。<鹽燒鰂魚> $178鰂魚有成一大條，魚肉嫩滑，火喉、時間控制啱啱好，齋食都食到魚肉嘅鮮甜味，點埋酸酸辣辣嘅醬汁，令人胃口大開。<泰式春捲六件> $68春捲外脆內軟，薄薄春捲皮包裹住豐富的餡料，食落感覺有啲似中式春捲haha<青檸梳打> $34青檸梳打冰涼，清新解膩。