The Grill Room (The L. Square) (Moved) New Location

早排忙咗一大輪，終於有時間同老公一齊出街嘆個dinner。 佢同事先排嚟過呢間餐廳話唔錯，就試下先一出𨋢就係餐廳，有大約二十張四人枱，其中幾張係吧檯，我哋就係其中一張嘅坐上客。一人一個set dinner，有頭盤，主菜，甜品。 我哋揀咗湯，巴馬火腿藜麥杏仁沙律。個湯邊擺咗一塊小多士，不但睇落精緻，飲落濃淡適中。沙律配上新鮮蔬菜，鹹鹹哋嘅巴馬火腿，健康嘅藜麥，脆脆地嘅杏仁，清新嘅配搭。 侍應還很體貼地奉上兩隻小碗子同兩隻碟給我們分享湯同沙律。慢煮三文魚配香草乳酪汁伴小麥米厚肉三文魚，在慢煮之下仍保持肉質嫩滑，配上小麥米，健康又夠飽。紅酒烚牛面肉配黑松露野菌薯蓉牛面肉有豐富嘅膠原蛋白，直頭係女士恩物。加紅酒一起煮，味道濃郁，多汁，肉質又細嫩，仲配上黑松露野菌薯蓉，味道更加豐富。甜品叫咗法式椰奶凍配芒果汁，賣相精緻， 很香滑的椰奶配上芒果汁，好想 encore。Tiramisu，睇見都好想食，香滑美味。滿意的一餐。