The Coffeeology (Closed)

The Coffeeology既芝士蛋糕我bookmark左好耐🤤今次終於約到朋友去食個下午茶，cafe裝修比較簡約，餐牌印曬係牆上面。店面比較細所以黎既話可能都要等位。今次我同朋友係平日既兩點黎到，唔洗等位，但係見到入面都已經坐滿曬人🙈呢度既芝士蛋糕同飲品都好啱打卡！今次我同朋友就淨係嗌左兩款芝士蛋糕試，其實價錢偏貴，但係兩款都好好食，值得黎食既❤️下次黎想試下佢地既飲品添1⃣️Genmaicha Cheesecake（$55） Cheesecake唔會好甜，食得出玄米茶味同芝士味，另外入面仲食到啲碎碎既粒粒，應該係啲玄米粒，口感幾特別😋件芝士蛋糕比我想像中厚切，相比起另一件抹茶味既，呢款既口味會清淡少少，冇咁漏，感覺light啲。  2⃣️Double Matcha Cheesecake（$68）雙重抹茶芝士蛋糕超濃抹茶味🍵面頭仲灑左啲抹茶粉😍食落有抹茶既回甘，而且質感好綿密好滑，勁鍾意呢款🤤不過如果唔係抹茶控既話可能會覺得濃得濟或者有啲苦🙈但係如果你係抹茶控既話呢款cheescake絕對滿足到你鋪抹茶癮！