泰 (銅鑼灣廣場二期) (Closed)

星期一放工同老公去銅鑼灣Thaiology食泰國菜，我同佢好耐無一齊食過泰國菜啦。我地叫左晚市二人套餐同泰式生蝦刺身。泰式生蝦刺身有10隻，生蝦唔會霉，蘸埋醬汁食就最岩啦。明爐冬蔭功海鮮湯要加$12，海鮮有大大隻蝦，八爪魚、青口，仲有啲菇，而冬蔭公湯超級辣，飲少少個嘴有腫脹既感覺，好刺激。青木瓜沙律木瓜絲都幾多，正常發揮。泰式沙嗲4串要左豬、牛和兩串，豬肉爽口，牛肉軟腍，蘸沙嗲醬食，好惹味。紅咖哩雞咖哩加左啲椰漿，入面有好多雜菜，雞肉嫩滑，啖啖肉。泰式炒雜菜食左甘多肉，個餐有碟菜平衡下，相當唔錯。泰式蝦肉炒金邊粉要加$28，二人餐本身都有好多野食，食埋呢個澱粉質既野，超級飽。餐飲叫左凍檸茶走甜同凍奶茶。