Mercury Recalls by Lost Stars

Open Now

Now Closed

留意咗呢間好耐，覺得佢好有氣氛今日終於試到。成個裝修都好有格調，用咗好多唱片做主題。叫咗三樣嘢食，一杯嘢飲。黑松露薯條超濃郁嘅黑松露味，薯條幼身，炸到脆卜卜，配酒一流。另外仲有芝士碎，薯條熱辣辣，一掂到芝士碎就溶咗，超好食，第一次咁樣食薯條。蟹肉卡邦尼意粉超級多蟹肉，又多汁，每條意粉都掛滿咗白汁。意粉煮得啱啱好，仲有蘆筍做配搭。份量都唔少，兩個人share食都好。肉眼扒超級大碟，牛扒差唔多有我兩隻手掌咁大。仲配咗椰菜花，蘆筍等配菜。而且配上好特別嘅白汁，肉質鮮嫩。超抵食。Cocktail 呢一杯係用咗伯爵茶做底。都係第一次飲到咁特別嘅Cocktail，打卡好靚，見到隔籬枱仲叫咗杯熱飲版本。下次再嚟試吓其他。