張公館

Open Now

Now Closed

相約好友去銅鑼灣飲茶，我地一齊係29樓可以180度望住維多利亞港飲茶確實唔錯。我哋點了脆脆笑哈哈、張公館鮮帶子粿、四川蝦餅、紫菜蟹柳卷同埋香煎黃金糕。脆脆笑哈哈面有乾瑤柱和醬油，裏面有鮮蝦肉、脆脆米網紙，食落去脆脆聲，口感好爽。張公館鮮帶子粿，粿上有帶子配上蟹籽，粿內有啖啖蝦肉，有嚼勁，十分有有誠意。四川蝦餅好有驚喜，鋪滿芝麻的夾包內藏蝦肉配上麻辣醬料，徬如在四川吃麻辣火鍋，十分開胃惹味。紫菜蟹柳卷熱騰騰的，造型好像卷壽司，新鮮蝦肉打成的蝦滑配上蟹柳，一件一件的吃口感非常好。香煎黃金糕好有意頭，椰汁味少甜祝好友生意興隆。呢度可商務包廂，或者家庭朋友聚餐，點心之外也可以點小菜、套餐，能夠望住維港享受一個豐富午餐真的好愜意逸致。