スーパー丼 (駱克道) (Closed)

星期六嚟個貴價Tea，同朋友食飽啲，晚餐是但食算數。朋友鍾意食刺身，叫咗特上北海道海鮮丼（HKD268），五款海鮮有大拖羅、油甘魚、帆立貝、海膽同三文魚籽。每件刺身都幾肥厚，幾新鮮，不過魚有少少筋。最特別嘅係配菜醃蒜頭，有啲似用泡菜醃，爽口又唔會食完成口蒜頭味。我鍾意食炸嘢，梗係叫特上天婦羅丼（HKD168）。有蝦、鰻魚、茄子、蕃薯、南瓜同露筍。種類幾多，最方便係佢用隻大平碟裝天婦羅豉油，點汁嘅時候可以均勻啲。炸漿厚薄適中，都幾好。