瀛豐放題料理專門店

Open Now

Now Closed

銅鑼灣瀛豐放題料理專門店，主打港日泰式美食放題，另外只須加$148就可升級做極品海鮮拼，包括鮑魚、長腳蟹、青口、東風螺、海蝦、整盒魚子醬等，非常豐富。刺身/壽司魚生超級厚切，質素好高水準，三文魚新鮮肥美，北海道角螺口感彈牙，珍寶赤蝦大隻鮮甜，油甘魚充滿獨特油香，八爪魚爽口有嚼勁；壽司有多款手卷、軍艦和手握，應有盡有。燒物/天婦羅/串燒呢度既日式小食同樣出色，特別係燒生蠔，大大隻，一D都唔腥，仲保留到蠔味同埋海水味，加埋蒜蓉食，真係非常惹味。泰式料理夠晒風味，最愛和味一口牛，牛味濃郁。甜品/飲品甜品方面勁多選擇，除左各式小甜點，仲有雪糕雪條；飲品方面有各款紙包和罐裝、啤酒等。總結，餐廳食物高質，款式多元化，食得好開心。