南洋家 (希雲街) (Closed)

Sat 13th May 母親節 雨嚟銅鑼灣shopping 呢度作為起點就最好啦。首先食飽個肚先有力氣 Shopshopshop，食飽就向 Lee Garden、Sogo、Time Sq…. 方向進發。其實係因為呢度地方比較迫夾，買到一抽二掕入嚟食嘢真係唔係好方便，同埋呢度 cash only 驚買完嘢冇錢買單。地方骨子，好有印尼文清Cafe風格，壁畫好醒神出自香港畫家手筆。席上有唔少印尼 look-a-like 食客，相信呢間嘢都幾地到。一定要試佢嘅「黑麵神」。基本上係佢哋嘅豉油王炒粉。佢哋嘅粉質地好似我哋嘅銀針粉咁樣，煙靭有米香，佢哋嘅黑醬油甘鹹帶少少蔗糖味，有火候，追住食。燒春雞箭葉果飯。啲飯好多香料香茅、Lime葉…. 撈得好好味。芒果沙冰好足夠料。佢所有嘅凍飲到好出色。價錢又唔貴，值得推薦。