街頭火鍋

Open Now

Now Closed

平時食火鍋都食得多，不過呢間都幾想寫下食評，因為都算幾吸引。😍入到去就嗌咗個牛二人餐，因為幾抵食有齊曬牛、菜籃、炸物、餃子雲吞、雜丸同埋黑栢葉。重點推介意下呢啲🍡丸：有五款每款有兩粒，各樣有得試都幾好。中間仲有魚片頭。全部都好爽口彈牙係新鮮。🥟餃子雲吞：有四款全部都皮薄餡靚。餃子餡料全部都係好夠充實，雖皮薄但放入火鍋之後個皮亦都唔會散曬，材料靚，手工包得好！讚一讚先！🍃黑栢葉：黑色會係我首選因為係冇漂過嘅。食落真係夠新鮮爽口，吸晒湯底，過下口癮最啱。⚪新鮮雞子：望落顏色已經係好鮮，仲要好豐滿大粒。配埋個辣湯底做出一個點鮮嘅效果。