街頭火鍋

Open Now

Now Closed

街頭火鍋位於銅鑼灣既金利文廣場，方便易搵，呢度由湯底到配料再到即食小食都好多選擇，絕對要介紹俾大家黎一試！👍🏻丹波赤麵豉味噌蝴蝶腩湯呢個係麵豉湯加豬腩肉，麵豉係正宗日本麵豉，香濃甘香，唔會過咸，腩肉唔係一般豬腩，係蝴蝶腩，特別軟腍，又會痴住少少筋位，有啲咬口，配麵豉湯最夾！☝🏻極品第一刀我地完全係被個名吸引左而叫既，原來每隻豬都係得一舊，好罕見，呢個部位特別腍身特別滑口，而且仲要好多雪花添，好靚好香，碌埋落咸咸既麵豉湯就更好食，唔駛再點醬料已經好鮮味！🤘🏻新鮮鵝腸橙黃色既鵝腸一睇就知真係新鮮既，無加工無雪藏，好濃鵝味好鮮味，煙韌既鵝腸有少少肥膏就更加香，少見好味！🤟🏻新鮮雞子雞子唔係粒粒一樣色，證明真係新鮮既，大粒肥嘟嘟，一咬啲汁係口入面爆發出黎，綿滑幼細，滋補到爆！👏🏻黑柏葉新鮮既柏葉牛味突出，爽脆既口感，配上鮮咸既麵豉湯更好食！