Video
Read full review
2021-07-04
33 views
平時同朋友去食飯諗食邊間都頭痕，最近見到銅鑼灣有一間新開嘅潮州菜融入酒吧，仲要由米芝蓮名廚主理，好似都幾吸引咁，同埋見價錢都唔貴，就一於決定去試吓食！打開個餐牌，因為都太多選擇嘅關係，就決定同朋友叫個二人餐，我見套餐都包咗好多菜式，每人當只係$228！🍡醃蘿蔔咬落去好脆口，酸酸味味好開胃！但佢罪特別嘅係蘿蔔切法並唔係一條條咁切，佢係不規則形狀三角形咁切，所以咬落去都特別有口感！🍡花生雞腳燉木瓜湯頭好甜，好香木瓜味，飲落口清清地咁幾好！🍡金牌滷水獅頭鵝肉鵝肉比較淡口味同老，但當我揭開面頭果一層嘅底下，鵝肉有少少筋嘅部位反而比較有彈性有𡁻口，好好食！而最底層當然就唔少得有炸豆腐啦！炸豆腐外層比較脆身，塊皮比較有厚度，有啲硬！🍡威士忌酒香鵝肝嚟到就一定要叫呢度嘅signature啦！侍應上菜嘅時候同我地講記得要先篤穿個波波，之後再將威士忌灑落塊鵝肝到，而當我哋張威士忌灑向鵝肝嘅時候，威士忌香味四飛，香到真係好似一朝醉咁！同埋我都係第一次食滷水鵝肝，鵝肝質地好軟熟好滑，完全無腥味！🍡脆炸拼盤配黑松露醬薯條正正係我鍾意嘅類型，外皮夠哂脆口，唔使點醬都已經夠晒！當然配埋黑松露醬更有風味！我會為左呢
打開個餐牌，因為都太多選擇嘅關係，就決定同朋友叫個二人餐，我見套餐都包咗好多菜式，每人當只係$228！
🍡醃蘿蔔
咬落去好脆口，酸酸味味好開胃！
但佢罪特別嘅係蘿蔔切法並唔係一條條咁切，佢係不規則形狀三角形咁切，所以咬落去都特別有口感！
🍡花生雞腳燉木瓜
湯頭好甜，好香木瓜味，飲落口清清地咁幾好！
🍡金牌滷水獅頭鵝肉
鵝肉比較淡口味同老，但當我揭開面頭果一層嘅底下，鵝肉有少少筋嘅部位反而比較有彈性有𡁻口，好好食！而最底層當然就唔少得有炸豆腐啦！炸豆腐外層比較脆身，塊皮比較有厚度，有啲硬！
🍡威士忌酒香鵝肝
嚟到就一定要叫呢度嘅signature啦！侍應上菜嘅時候同我地講記得要先篤穿個波波，之後再將威士忌灑落塊鵝肝到，而當我哋張威士忌灑向鵝肝嘅時候，威士忌香味四飛，香到真係好似一朝醉咁！同埋我都係第一次食滷水鵝肝，鵝肝質地好軟熟好滑，完全無腥味！
🍡脆炸拼盤配黑松露醬
薯條正正係我鍾意嘅類型，外皮夠哂脆口，唔使點醬都已經夠晒！當然配埋黑松露醬更有風味！我會為左呢個薯條返黎encore🤣🤣🤣脆蝦好鬆化，但口味比較淡口，呢個係一定要配上黑松露醬先好食！
另外仲有兩塊外表我初頭以為係米通嘅小食，黃色同白色脆脆嘅配搭，一咬落口，勁香芒果味走出嚟，令我諗起好似煎堆但個餡係芒果醬咁！
🍡新竹米粉
米粉炒到好乾身，同時又唔油！但呢碟小菜嘅精髓係佢好香嘅XO醬！平時食開嘅XO醬只會帶有少少的辣味或者帶出少少惹味嘅醬料，但係佢呢度嘅XO醬係帶有蝦嘅蝦香味！
🍡白滷水海鮮拼盤
初頭第一次聽白滷水，但上網查過後先知道原來白滷水係指冇放醬油嘅滷水，味道相對上會比較清淡！呢間餐廳嘅白露水係自家調製，而且用於海鮮，味道好襯！
海鮮拼盤包括左右墨魚嘴，大蝦，攞及鮑魚！墨魚咀好軟身，一啲都唔硬，配埋少少辣嘅泰式海鮮汁好鬼惹味！大蝦🍤超級有彈性，好有咬口！鮑魚都好彈牙好軟熟！蛋相反螺可能係因為事先用酒調味過，一入口就好大陣酒味，搶咗本身螺應有嘅鮮味！
Post
