Fjaka (Closed)

好耐冇飲過嘢喇，今次就俾朋友帶咗嚟銅鑼灣登龍街嘅樓上酒吧之前都有嚟過金朝陽中心嘅餐廳，呢度嘅舖位好特別，好多都設有陽台露天位置，客人可以飽覽銅鑼灣鬧市景色，仲有少部分嘅維港景喺室外位置飲嘢特別有feel同舒服另外呢到都有水煙食，喺室外嘅話就唔怕煙霧彌漫同啲味散唔到一上到樓層，會見到一間酒吧，FJAKA係位於呢間酒吧右手邊要經過一部「𨋢」先會入到個酒吧，裝修好特別、好靚室內位置好大，分咗唔同區域，座位寬敞，坐得舒服室外都有好幾張檯，望住外面景觀零舍chillStay Gold ($88)呢日嚟咁啱撞正bartender Jo Lo駐場! 喺Room 309同The Envoy調酒嘅佢，原來有時都會同FJAKA合作今次佢就用到Singleton威士忌創作幾款cocktail呢款Stay Gold以Singleton Glen Ord 12 Years Old配合咖啡酒、柚子、檸檬汁，味道帶果香，尾段有點苦澀味炸蕃薯條 ($78)幼身蕃薯條，啱啱炸起所以夠晒熱辣辣，又夠脆口白酒煮鮮藍青口配吐司 ($228)青口全部開晒口，肥美厚肉咬落去唔韌，味道新鮮、海水味濃側邊嘅脆多士蘸埋啲汁一齊食就一流