Goobne Chicken (V Point)

Open Now

Now Closed

呢排睇得太多韓劇啲主角成日都食炸雞，突然心血來潮約咗朋友去銅鑼灣登龍街嗰頭食韓式炸雞。店舖入面有好多唔同款式口味嘅炸雞今次我哋嗌咗最近新出一款熱浪味嘅炸雞梗係要order嚟試吓啦！另外仲叫咗款馬蘇里拉芝士球熱浪味炸雞平時熱浪薯片就食得今次配上炸雞都係第一次食，炸雞外皮香脆入口非常之入味，外皮充滿着熱浪嘅薯片嘅微辣，相信就算平時唔食得辣嘅朋友仔都可以食到，而且肉質鮮嫩多汁配埋啤酒真係停唔到口，另外仲配上一碟白蘿蔔可以俾大家解下膩。馬蘇里拉芝士球芝士球一共有五粒，外皮炸到金黃色入口甜甜地配上入邊嘅鹹甜鹹甜既芝士，真係可以食多幾粒，而且啲芝士仲可以拉絲tim 真係非常過癮。