RBTea (Moved) New Location

早前同同事放工後一齊出銅鑼灣行街食飯，但眼見週圍都係人，於是去左金百利廣場碰下運氣。見到一堆選擇後，最後決定去食位於3樓的RBTea。餐廳環境清幽，係銅鑼灣區少見的，加上花園的裝是，令餐廳好似銅鑼灣的後花園般。睇睇晚餐Menu先，有4個選擇，朋友仔揀食D餐，而我就揀唔到。係Main Menu見到有焗意粉，而且加杯珍珠奶茶的價錢同Set Menu差唔多。決定好食咩，大家要出去Cashier落單的。朋友仔的餐湯及蕃茄沙律，雖然個樣有D hea，不過味道還可以。飲品味道唔錯，熱珍珠奶茶係會比一隻裝住珍珠的茶杯及一壺熱奶茶比你慢慢飲，份量都幾多。凍茉香奶茶味道比預期的淡，建議可以叫少冰。同事揀左食「照燒汁炸魚柳意粉」，意粉冧左小小，炸漿唔算太厚，不過加埋個照燒汁又幾好食。我叫左碟「焗忌廉野菌螺絲粉」，即焗的螺絲粉好香，忌廉芝士汁都好夠濃郁。