Steak Bar (Closed)

吉列炸牛扒真係食極都唔厭，今次去到銅鑼灣見到有一間，決定入去試吓(˶‾᷄ ⁻̫ ‾᷅˵)今次叫咗牛舌拼薄切牛同埋吉列炸牛扒，估唔到兩個都有啲驚喜。首先第一個牛舌薄切牛，鐵板上面會有埋牛油，燒落去超級香，牛舌煙韌，薄切牛亦都超級香，牛油加埋牛肉既油脂勁正，另外仲有飯素，勁好送飯！另外佢會比檸檬同埋炸蒜頭，真係超級好食！跟住想講吓吉列炸牛扒，放落去好快就已經轉色，可以自己控制生熟，我自己都鍾意食熟啲，同行朋友鍾意食生啲，外面嘅吉列超級鬆脆，又唔會甩，都幾推介！我見好多人都試咗佢哋嘅安格斯西冷，好大塊，好香，決定下次試下！