Video
Read full review
2020-10-20
652 views
做完treatment 餓餓地，經過Time SQ見到對面英皇二樓開左間越南餐廳，就捉埋老公上去睇。𨋢門一開，必然俾眼前搶眼璧畫吸引住，入面既人物、衣飾以至場景都呈現著獨特既越南社區色彩，仲有代表性既舊式單車，一事一物都彷彿帶我回到胡志明市的片段，腦海中頓時浮現電影《甜蜜蜜》嘅情懷。 鮮蝦青木瓜沙律每次食越菜頭盤都總愛點青木瓜鮮蝦沙律，味道帶點酸甜感特別醒胃。加入一辮羅勒葉在其中，添香效果非常明顯，又不失青木瓜本身既清香原味道。配搭開邊蝦肉既爽甜彈牙，兼附有大量金黃香脆既炸豬皮碎，食落帶有層次感之餘又足料豐富～越式手拉蒸粉卷必食既越式民間手工菜粉卷，外皮相當晶瑩薄透，咬口綿滑柔韌，味道相對清新。平民化既餡料混入扎肉條、蔬菜、豬肉碎、沙葛，落幾滴咸香魚露一齊食，非常惹味。牛肉酸鍋香港少有既鐵帽子火鍋都可以係度揾得到，由外到內深深嚐味到濃厚越式風情。超寬鍋邊要放上大量配料，順時針由色澤鮮艷既牛肉片排起，仲有蜆貝啦、同厚肉菠蘿片，加上大量綠柔香草蔬菜，好有睇頭，絕對係必點推介！鍋底湯頭清香不油膩之餘，切片鮮菠蘿仲添加一份果香酸酸甜甜之感，配合大量香茅洋葱伴煮，牛肉掛上湯汁入口味道更加郁香純
𨋢門一開，必然俾眼前搶眼璧畫吸引住，入面既人物、衣飾以至場景都呈現著獨特既越南社區色彩，仲有代表性既舊式單車，一事一物都彷彿帶我回到胡志明市的片段，腦海中頓時浮現電影《甜蜜蜜》嘅情懷。
鮮蝦青木瓜沙律
每次食越菜頭盤都總愛點青木瓜鮮蝦沙律，味道帶點酸甜感特別醒胃。加入一辮羅勒葉在其中，添香效果非常明顯，又不失青木瓜本身既清香原味道。
配搭開邊蝦肉既爽甜彈牙，兼附有大量金黃香脆既炸豬皮碎，食落帶有層次感之餘又足料豐富～
越式手拉蒸粉卷
必食既越式民間手工菜粉卷，外皮相當晶瑩薄透，咬口綿滑柔韌，味道相對清新。平民化既餡料混入扎肉條、蔬菜、豬肉碎、沙葛，落幾滴咸香魚露一齊食，非常惹味。
牛肉酸鍋
香港少有既鐵帽子火鍋都可以係度揾得到，由外到內深深嚐味到濃厚越式風情。
超寬鍋邊要放上大量配料，順時針由色澤鮮艷既牛肉片排起，仲有蜆貝啦、同厚肉菠蘿片，加上大量綠柔香草蔬菜，好有睇頭，絕對係必點推介！
鍋底湯頭清香不油膩之餘，切片鮮菠蘿仲添加一份果香酸酸甜甜之感，配合大量香茅洋葱伴煮，牛肉掛上湯汁入口味道更加郁香純鮮。
越南滴滴咖啡
透過咖啡文化去細味越南人慢活節奏是最貼切，冲泡器具亦有其獨特一套，配合不銹鋼壺身、蓋子、壓板及底座，一點一滴慢慢萃取出一杯醇厚度極高既咖啡，每啖入喉都非常香順回甘！
椰汁班蘭西米糕、桂圓黑糯米
餐後甜品食埋先夠完美，叫左椰汁班蘭西米糕同桂圓黑糯米各一份。混合左班蘭汁液既椰漿不單止顏色清爽，仲帶俾人一股舒適既草本芳香氣味。黑糯米口感夠軟糯，咀嚼桂圓肉時釋放出甜蜜既味道，超好味！
Post
