十八夢

除夕黎左有Live show 既十八夢，好鍾意個stage 好靚，音響效果好好，好有氣氛，聽住歌用餐真係好正！ 餐廳每個星期都有唔同既event，下次一定帶埋閨蜜再黎睇Desire City😻😻之前去首爾睇Men show，估唔到香港都有，仲要咁近距離添！ 頭盤： Cooked Turkey & Ham Cold cut 有熟火雞、蜜糖烤火腿，配曼越莓果蓉、羽衣甘藍沙律。原罐西伯利亞鱘龍魚子醬。胡桃果忌廉汁蟹肉意大利粉放左一半魚子醬落忌廉意粉食，味道提鮮，麵條條條掛汁。 湯：蜆・海蝦・帶子・意式海鮮湯好鮮味嘅海鮮湯，入口好似龍蝦湯咁香，蜆、海蝦、帶子新鮮爽口！ 主菜： 烤豚骨髓 配 烤橡果飼依比利黑豚肉眼•焦糖甘栗少有豚骨髓，上面有炸脆粒，食起上嚟好香滑。黑豚肉眼厚切，有豚香氣。 松露碎餅烤西班牙馬介休鱈魚柳•佛手柑南瓜忌廉汁經鹽醃既鱈魚柳，帶咸香但唔會過咸，魚肉香嫩滑溜。Dessert : 黑朱古力布朗尼，上面覆盆子慕斯好creamy配上berries，覆盆子果蓉。整體氣氛好好，撞啱老闆娘生日，全體員工仲同佢慶祝，好有愛嘅一間餐廳！