Video
Read full review
2023-10-28
102 views
今日帶咗一位好朋友來銅鑼灣食一間精緻嘅中菜，安撫佢受傷嘅心靈😂朋友因咩事受傷就唔詳細講啦，但呢間中菜真係要推薦俾大家～又精緻又有水準，仲有個好靚嘅環境添🥰🥰我哋lunch time過來，佢哋午市只做set lunch，但個份量啱啱好，安排得好好，唔會浪費，抵讚👍👍我同朋友都覺得佢每個點心都非常出色，特別係以下呢幾款，我覺得係必食嘅～😚菠蘿叉燒飽外層非常酥脆，裡面嘅叉燒餡料豐富多汁。菠蘿皮嘅香甜配合叉燒嘅鹹香，甜中帶一點鹹，口感相當滿足。蜂巢帶子芋角賣相吸引，食落仲好有驚喜添。蜂巢外皮超級鬆脆，帶子嘅鮮甜同芋頭非常夾，每一啖都係享受。魚翅灌湯餃呢個點心其實好難整得好食，個皮唔可以太硬又唔可以太淋，浸係湯度又唔可以散開，每一啖都要有外皮同餡料及湯先好味。佢哋嘅餃子同湯汁非常夾，加少少醋酸酸地好開胃。叉燒薑蔥撈麵一上枱已經聞到陣陣香味，我平時唔鐘意食薑蔥，但呢個薑蔥撈麵都令我好有食慾，個麵一啲堿水味都無，好鬼正，好有咬口又有香氣。其實佢每款點心都好高質，但我個人最鐘意以上4款，大家試完再話我知你鐘意邊幾款啊～🥰🥰
朋友因咩事受傷就唔詳細講啦，但呢間中菜真係要推薦俾大家～又精緻又有水準，仲有個好靚嘅環境添🥰🥰
我哋lunch time過來，佢哋午市只做set lunch，但個份量啱啱好，安排得好好，唔會浪費，抵讚👍👍
我同朋友都覺得佢每個點心都非常出色，特別係以下呢幾款，我覺得係必食嘅～😚
菠蘿叉燒飽
外層非常酥脆，裡面嘅叉燒餡料豐富多汁。菠蘿皮嘅香甜配合叉燒嘅鹹香，甜中帶一點鹹，口感相當滿足。
蜂巢帶子芋角
賣相吸引，食落仲好有驚喜添。蜂巢外皮超級鬆脆，帶子嘅鮮甜同芋頭非常夾，每一啖都係享受。
魚翅灌湯餃
呢個點心其實好難整得好食，個皮唔可以太硬又唔可以太淋，浸係湯度又唔可以散開，每一啖都要有外皮同餡料及湯先好味。佢哋嘅餃子同湯汁非常夾，加少少醋酸酸地好開胃。
叉燒薑蔥撈麵
一上枱已經聞到陣陣香味，我平時唔鐘意食薑蔥，但呢個薑蔥撈麵都令我好有食慾，個麵一啲堿水味都無，好鬼正，好有咬口又有香氣。
其實佢每款點心都好高質，但我個人最鐘意以上4款，大家試完再話我知你鐘意邊幾款啊～🥰🥰
Post
