Video
Read full review
2024-12-10
489 views
臨近年尾，食餐好嘅慰勞下。同朋友黎到銅鑼灣嘅Bochord。呢度嘅裝修真係好靚，走復古風，仲有兩排書櫃，真係好似入左歐洲嘅古典圖書館入面咁。仲可以眺望到絕美海景，咁靚嘅環境唔怪得咁多人選擇喺到慶生。夜晚點左Tasting menu，足足有8個courses，相當豐富。每一道course都好精緻，食材搭配上又有層次，色香味俱全，好滿意！一開始先有餐包，麵包做到外脆內煙韌有彈性！配basil butter同sea salt butter， 各有風味！Seafood Trio - 前菜黎講好豐富！用海鮮做嘅3款前菜，3層嘅滋味同層次，由淡味食到濃味。以Japanese sea urchin開始，好鮮甜嘅日本海膽，配底層白色嘅海鮮味泡沫同海膽味嘅啫喱，鮮得黎味道淡雅。之後係Spanish Octopus Carpaccio。用八爪魚做出黎嘅薄片，有八爪魚嘅鮮味同爽脆口感，上面有三文魚籽等材料增添鹹鮮。最後係Aged Daurenki Tsar Imperial Cavier & Smoked Eel Mousse。呢款係最濃味，矜貴嘅魚子醬配充滿煙燻香嘅Eel mousse，又滑又鮮又有煙燻嘅
呢度嘅裝修真係好靚，走復古風，仲有兩排書櫃，真係好似入左歐洲嘅古典圖書館入面咁。
仲可以眺望到絕美海景，咁靚嘅環境唔怪得咁多人選擇喺到慶生。
夜晚點左Tasting menu，足足有8個courses，相當豐富。每一道course都好精緻，食材搭配上又有層次，色香味俱全，好滿意！
一開始先有餐包，麵包做到外脆內煙韌有彈性！
配basil butter同sea salt butter， 各有風味！Seafood Trio - 前菜黎講好豐富！
用海鮮做嘅3款前菜，3層嘅滋味同層次，由淡味食到濃味。
以Japanese sea urchin開始，好鮮甜嘅日本海膽，配底層白色嘅海鮮味泡沫同海膽味嘅啫喱，鮮得黎味道淡雅。之後係Spanish Octopus Carpaccio。
用八爪魚做出黎嘅薄片，有八爪魚嘅鮮味同爽脆口感，上面有三文魚籽等材料增添鹹鮮。最後係Aged Daurenki Tsar Imperial Cavier & Smoked Eel Mousse。
呢款係最濃味，矜貴嘅魚子醬配充滿煙燻香嘅Eel mousse，又滑又鮮又有煙燻嘅特殊香氣，好味！Scottish King Razor Clam & King Crab - 視覺效果一流，澎湃嘅乾冰營造煙燻瀰漫嘅效果。
用左King Crab製成嘅mousse，配搭三文魚籽同Razor Clam肉，呢個配搭唔可能唔鮮。Italian Zucchini Flower & Iberico Ham - 好特別嘅一道。
外面係36個月嘅Iberico Ham同Zucchini Flower，入面係絞碎嘅鴨肉配芋頭，底就係鵝肝製成嘅foam，口感同味道都好豐富！Bouillabaisee - 好濃好濃嘅龍蝦湯。
唔單止口感creamy順滑，每一啖都係濃郁同鮮甜到極致嘅龍蝦同海鮮味，入面仲有新鮮clam同蠔Ravioli。French Morel & Fish Maw - 中菜常見嘅魚肚喺西餐到以炭燒嘅形式呈現真係好特別。
配搭新鮮黑松露同清雞湯，有種中西合璧嘅感覺，意外地好夾！中間食個sorbet refresh一下再繼續main course。
Charcoal Grilled French Pigeon - 出色嘅乳鴿料理。
燒到皮脆肉嫩嘅乳鴿，帶有淡淡炭燒香，肉嫩之餘亦保留肉汁，熟度掌握得啱啱好。Charcoal Grilled A5 Miyazakigyu Beef - 用上日本宮崎縣嘅A5和牛西冷。
肉味濃，油脂重，有入口即化嘅感覺，肉質鮮嫩無比！不過油脂較重食少少已經會有油膩感，所以份量啱啱好。
Japanese Yuzu Mousse Cake - 最後嘅甜品亦無令人失望！
賣相擺盤都好靚。Mousse cake有好突出嘅柚子酸爽清香，伴碟嘅紅茶cream都好重茶香，搭配埋一齊好好味！ 另外都試左呢度嘅cocktails，呢度cocktails嘅選擇都好多！
店員推介左兩杯比較啱女士口味嘅cocktails，分別係The Honey Thief同Blueberry。
兩杯果然都好易入口而且層次豐富！特別中意Blueberry嗰款，尤其係面頭嘅salted cheese foam簡直係畫龍點睛，好似飲緊cocktail版嘅blueberry cheesecake咁，好中意！
Post
