老厝邊

Open Now

Now Closed

餐廳：老厝邊地點：銅鑼灣渣甸街菜式：古早味台灣菜餐牌：牛肉麵，便當類，粉麵類，飯類，蛋餅類，炸物類，拼盤類，涼菜同小食類，價錢平民。飲品都勁多選擇，有花巧，珍珠，鮮奶，古早味，爽口，蜂蜜，鮮奶茶同果汁。無加一。招牌牛三寶麵 $86牛三寶即牛腱，牛筋，牛肚。厚厚嘅牛腱有兩大件，少肥多瘦，食落都稔帶牛筋。牛筋有三大件左右，超稔滑，入口即化咁滯，好正。牛肚都有三大件，厚身大塊，質感都幾好。蔬菜有小棠菜三條同清甜白蘿蔔一大舊，最後灑上葱花，鹹菜放係匙羹度另上。牛肉麵有四款口味選，我地揀左紅燒湯。湯底味道唔錯，微辣唔油。麵條唔粗唔幼，都唔會太稔，又唔會一patpat。眷村牛肉麵 $70呢款眷村牛肉麵揀左蔥油乾拌，個汁剛剛好餸嗮所有麵，又唔會太鹹或者重口味。牛腱有三塊幾，食落少少酸酸地。同招牌牛三寶麵一樣，蔬菜有小棠菜三條同清甜白蘿蔔一大舊，最後灑上大量葱花，鹹菜放係匙羹度另上。香蔥牛肉起司蛋餅 $44香蔥牛肉起司蛋餅熱辣辣上枱，一客六件已經切好。薄薄嘅外皮煎得少少薄脆，入面有層薄薄雞蛋，加上入面有香蔥，牛肉同芝士，食落蛋香十足，牛肉乾身口感絲狀，外皮少脆而內餡豐富。點另上嘅蒜蓉味香汁提味之後更加