黑瀧板蕎麥專門店 (Closed)

經過見到有個好抵食嘅【特選西冷扒伴黑豚肉陶板燒】二人前套餐($268)，又問咗原來跟餐嘅白飯可以加錢轉蕎麥麵，就即刻入咗去了！😂😂呢個套餐嘅前菜同刺身都不過不失，而主菜西冷扒伴黑豚肉陶板燒以呢個價錢嚟講亦算唔錯。西冷扒雖然冇乜雪花，但食落唔會韌；黑豚肉好薄，雖然脂肪比例較多，但都要小心好易就煎得太乾。-至於我最期待嘅蕎麥麵呢～～～我哋就揀咗2款，分別係【田舍】同【知床】:-【田舍】係普通蕎麥麵，冇乜特別，正常蕎麥麵水準；【知床】就係加咗昆布同海草製成嘅蕎麥麵，口感同味道上都同普通嘅分別不大，我就食唔出有昆布同海草嘅味道，而且當日廚師處理呢個麵處理得好差，有勁多啲麵痴埋一齊而形成嘅粉團，完全影響晒成盤麵嘅口感！！-除咗個二人前套餐，我哋仲叫咗2個小食:-【天婦羅沙鑽魚】:魚肉幾滑，又唔會好油，不錯～【益生溫泉蛋、三文魚子金油揚包】:用腐皮油揚包住溫泉蛋再炸，口感都幾特別，不過略嫌唔夠味，食前記得加啲鹽～